أنا بحبك قد أيه..
هواك فى قلبى شكلو أيه..
ان كان يهمك..قد العالم واللى فيه..
وأنت عندى زى أيه..
حبك بالنسبالى ايه..
طول ماأنا جنبك مايهمش يجرالى ايه..
عارف بحبك قد أيه..
قد الحاجات..
والمخلوقات..
اللى ف زماننا..
واللى م الزمن اللى فات..
اللى من قبل الميلاد..
واللى حتيجى مع الاوقات..
من هنا لحد الميعاد..
أنا بحبك قدها..
على قد ماتقدر تتخيل..
أحلم وأعرف..انى بحبك..
أكبر من كل ماتتخيل..
على قد ماتعرف تتصور..
فكر..دور..وأعرف انى بحبك أكتر
من كل ماعقلك يتصور..
وان كان حد فى عمرك قبلى..قال بيحبك..
كان مش قدى..
وأوعى تفكر مخلوق يقدر..
ويحبك لو نقطه ف حبى..
على قد ماتوصل بخيالك..
حبى أنا أكبر م اللى ف بالك..
أحلى وأجمل شىء يجرالك..
وأغلى وأطعم أحساس جالك..
مهما تعيش وتشوف أشواق..
مهما تدوق سحر العشاق..
قلبى يحبك أكتر..وأكتر..وأكبر من هوا أى فضاااااء..
حب حنين..
وهواه يجنن..
بشعور ولا مليون مشتاق..
وبحبك أكتر من روحى..
لو حبك..كان دم جروحى..
أتجرح وأشوفك جنبى..
لو حبك يظهر مع دمى..
وبحبك أكتر من نفسى..
أكتر من أحساسى بنفسى..
وبقولها وصادق مع نفسى..
أنت هواك من روحى ونفسى..
قد أيه..
عارف بحبك قد ايه..
الرمل اللى بتمشى عليه..
هاتو..وعدوا..وأحسب فيه..
تعرف بحبك قد ايه
السبت أكتوبر 23, 2010 6:01 am